«Самұрық-Қазына» басшысы Алматы ЖЭО құрылысының барысын тексерді

«Самұрық-Қазына» АҚ Басқарма төрағасы Нұрлан Жақыпов нысанның құрылыс алаңында жұмыс кеңесін өткізді. Онда «Самұрық-Энерго» АҚ мен «АлЭС» АҚ басшылығы құрылыстың қазіргі кезеңі және негізгі жабдықтарды жеткізу барысы туралы баяндады.

Нысанда құрылыс-монтаж жұмыстары жалғасуда, технологиялық жабдықтарды жеткізу және станция инфрақұрылымын дайындау жұмыстары жүргізілуде.

Сапар қорытындысы бойынша Нұрлан Жақыпов бірқатар тапсырмалар беріп, жұмыс кестесін қатаң сақтау және нысанды уақытылы пайдалануға беру қажеттігін атап өтті. Қайта жаңғырту аяқталғаннан кейін станцияның белгіленген қуаты электр энергиясы бойынша 544 МВт және жылу энергиясы бойынша 160 Гкал/сағатты құрайды. Нысанды пайдалануға беру 2026 жылдың желтоқсан айына жоспарланған.